Mashirika manne ya kiraia, likiwemo lile la kutetea haki za binadamu la Chad, yameishtumu tume ya uchaguzi iliyoteuliwa na Rais Mahamat Idriss Deby kwa kukataa kuidhinisha wawakilishi wao 2,900 kama waangalizi wa kura.

Soma pia: Kura zaendelea kuhesabiwa baada ya uchaguzi wa rais Chad

Wapinzani wa kiongozi huyo wa kijeshi ambaye naye pia ni mgombea urais walitoa wito wa kuususia uchaguzi huo, wakiutaja kama uliojaa dosari.

Wito wa kuususia uchaguzi ulitolewa baada ya mashirika ya kimataifa ya kutetea haki za binadamu kutahadharisha kuwa, uchaguzi wa urais wa Chad hautakuwa huru na haki kutokana na ukandamizwaji wa upinzani.

Jumanne, Jenerali Deby aliupongeza uchaguzi huona kuutaja kama "hatua muhimu ya mageuzi katika kuweka mizizi ya utamaduni wa demokrasia nchini Chad."