Waziri wa afya nchini humo amesema jana Jumatatu kwamba watu wasiopungua tisa wamekufa kutokana na ugonjwa huo katika mkoa wa Kie-Ntem.

Shirika la afya duniani, WHO, pia limethibitisha mripuko huo, na kusema timu za wataalamu zimetumwa kufuatilia watu waliotangamana na waathirika, kuwatenga wale wanaoonesha dalili na kutoa huduma.

Soma pia:Cameroon yaweka vizuizi mkapani na Guinea ya Ikweta

Dalili za ugonjwa huo mpaka sasa zinahusisha uchovu, matapishi yaliochanganyika na damu na kuharisha.

Waziri wa afya Mitoha Ondo'o Ayekaba, amesema tahadhari ya kiafya imetangazwa katika mikoa ya Kie-Ntem na Mongomo.

Kirusi cha Marburg kinahusiana na Ebola, ambayo ilisababisha maafa makubwa katika miripuko kadhaa ya huko nyuma barani Afrika.

Hakuna chanjo zilizoidhinishwa au dawa za kutibu ugonjwa wa Marburg, lakini tiba ya kuongeza maji mwilini kupunguza dalili inaweza kuongeza nafasi ya kupona kwa mgonjwa.