Msemaji wa Umoja wa Mataifa Stephane Dujarric amesema katika taarifa kwa niaba ya Guterres kuwa hatua hiyo ni ukiukaji wa haki za kimsingi za wanawake.

Guterres ameitaka Taliban kufuta hatua zote zinazozuia haki za wanawake na wasichana kufanya kazi, kupata elimu na uhuru wa kutembea.

Ujumbe wa Umoja wa Mataifa nchini Afghanistan - UNAMA ulitarajiwa kufanya leo mazungumzo na maafisa wa Taliban kutafuta ufafanuzi kuhusu marufuku mpya ya serikali ambayo inawazuia wanawake kulifanyia kazi shirika hilo la kimataifa, kote nchini humo. Umoja wa Mataifa huwaajiri karibu wanawake 400 wa Kiafghanistan.