Watayarishaji  'Jarida la  michezo la  Ufaransa',  wamesema  leo Jumatatu (20.07.2020) kuwa  kutomalizika  kwa  baadhi  ya  ligi pamoja  na  kuahirishwa kwa  michuano  ya  Euro 2020  pamoja  na Copa America hakukuweza  kuruhusu  upigaji  kura wa  haki.

"Matukio  ambayo  ni  ya  kipekee, maamuzi  ya  kipekee,"   taarifa ya  France Football imesema. "Mwaka  kama  huu  wa  aina  yake hauwezi , na  haupaswi , kuwa  kama  mwaka  wa  kawaida."

Ballon d'Or   hutolewa  katika  kura  inayopigwa  miongoni  mwa waandishi  wa  habari  za  michezo. Kati ya  mwaka  2010  na  2015 France Football  iliunganisha   nguvu  zake  na  shirikisho linaloangalia  mchezo  wa  kandanda  FIFA  pamoja  na  tuzo  hiyo lakini makundi hayo  mawili  yalijitenga kutoa  zawadi  zao  tena mwaka  2016.

Lionel Messi  wa  Barcelona ni mshindi mara nyingi  zaidi  akiwa  na tuzo sita.

France Football imesema  kuwa  Ballon d'Or  itarejea  tena  mwaka 2021.