Kitisho hicho cha Zelenskiy alikitoa katika mzozowa mkopo wa Umoja wa Ulaya wa thamani ya yuro bilioni 90 kwa Ukraine, ambao unazuiwa na Hungary.

"Tuko wazi kabisa kama Halmashauri Kuu ya Umoja wa Ulaya kwamba lugha kama hii haikubaliki. Hakustahili kuwa na vitisho dhidi ya mataifa wanachama wa Umoja wa Ulaya," alisema msemaji wa halmashauri hiyo Ijumaa.

Msemaji huyo ameongeza kuwa kuzidi kwa majibizanokati ya pande zote mbili hakusaidii.

Hungary inazuia mkopo kutokana na uharibifu wa bomba la Druzhba

Hapo Alhamis, Zelenskiy alimshambulia Orban.

"Tunataraji mtu mmoja katika Umoja wa Ulaya hatozizuia yuro bilioni 90 na wapiganaji wa Ukraine watapokea silaha, la sivyo, tutatoa anwani ya mtu huyu kwa watu wetu ili wampigie na wazungumze naye kwa lugha yao," alisema Zelenskiy baada ya mkutano wa serikali mjini Kyiv.

Zelenskiy alisisitiza kuwa nchi yake haina namna nyengine mbali na huo mkopo wa Umoja wa Ulaya.

Serikali ya Hungary huko Budapest ilisema matamshi ya Zelenskiy ni "hujuma."

Budapest inazuia kutolewa mkopo huo wa Umoja wa Ulaya kutokana na kusitishwa usafirishaji wa mafuta kupitia kwa bomba la Druzhba.

Kulingana na vyanzo vya Ukraine, bomba hilo liliharibiwa na droni ya Urusimwishoni mwa mwezi Januari karibu na mji wa magharibi wa Ukraine wa Brody.