Gazeti la The Wall Street Journal la Marekani limeripoti kuwa, Hamas imewaeleza wapatanishi kwamba wako tayari kwa mazungumzo ya kuwaachilia huru mateka wanawake na watoto kwa mabadilishano ya usitishwaji mapigano katika ukanda wa Gaza.

Wall Street Journal likinukuu maafisa wa Misri, imeendelea kueleza kuwa baadhi ya mateka wanaokusudiwa kuachiliwa huru ni pamoja na wanajeshi wanawake wa Israel.

Serikali ya Israel imeweka idadi ya mateka ambao wako hai kuwa ni takriban 105 na inaamini kwamba wengi wao wanazuiliwa katika mahandaki yanayoendeshwa na Hamas.