MigogoroMashariki ya Kati
Hezbollah wadai kudungua droni ya Israel karibu na Lebanon
26 Juni 2023![Israel | Drohne der Hisbollah](https://static.dw.com/image/62340993_800.webp)
Matangazo
Kundi la wanamgambo wa Hezbollah nchini Lebanon, limesema wapiganaji wake wamedungua ndege isiyoendeshwa na rubani ya Israel iliyokuwa ikiruka kwenye anga la karibu na mpaka kwenye eneo la Kusini mwa Lebanon.
Hata hivyo kundi hilo halikutowa maelezo zaidi kuhusu aina ya droni iliyodai kuidunguwa karibu na kijiji cha Zibqine kaskazini mwa mpaka kati ya Lebanon na Israel.
Kadhalika Israel haikutowa tamko la haraka. Tukio hilo limekuwa baada ya wiki kadhaa za kuwepo mivutano kwenye eneo la mpaka baina ya nchi hizo mbili na hasa katika eneo lenye mvutano linalojulikana kama mashamba ya Chebaa.