Nasrallah aliuwawa kufuatia mashambulizi ya Israel usiku wa kuamkia leo kusini mwa mji wa Beirut. Taarifa ya jeshi la Israel imesema kuwa Ali Karaki kamanda wa Hezbollah anayehusika na kusini mwa Lebanon, pia aliuawa.

Iran, Iraq na Uturuki tayari zimelaani vikali mashambulizi hayo ya Israel nchini Lebanon. Rais wa Iran Masoud Pezeshkian amesema Marekani haiwezi kukanusha kuhusika kwa sehemu na kifo cha Nasrallah. Hamas imesema inaomboleza kifo cha Nasrallah. Huku waasi Wahuthi wa Yemen wakisema wanadhamiria kupigana na Israeli baada ya mauaji ya Nasrallah.

Jeshi la Israel limesema kwamba kifo cha Nasrallah, kimeufanya ulimwengu kuwa salama zaidi.