Katika taarifa yake, kundi hilo limesema limefyetua maroketi aina ya katyusha leo asubuhi kuzilenga kambi mbili za jeshi kujibu mashambulizi ya Israel kwa watu wao, vijiji na miji, shambulizi la hivi karibuni likifanywa katika mji wa Baalbek ambapo raia mmoja aliuliwa.

Hapo jana shambulizi la jeshi la kutokea angani la Israel karibu na mji wa mashariki wa Baalbek lilimuua mtu mmoja, katika uvamizi wa pili dhidi ya ngome ya Hezbollah tangu makabiliano ya mpakani yalipoanza.