Kumekuwepo na taarifa za makabiliano kati ya waandamanaji na polisi wakati walipojaribu kufunga barabara kuu mjini Tel Aviv na kuwasha moto, huku watu karibu 1,000 wakiripotiwa kuandamana katika mji wa Jerusalem hii leo. Baadhi ya waandamanaji wamekamatwa, hii ikiwa ni kulingana na gazeti la Haaretz.

Soma pia: Maandamano dhidi ya serikali yatanda Israel

Kwenye hotuba hiyo, Netanyahu alitangaza kwamba muswada huo uliolenga kuimarisha demokrasia huenda ukapitishwa katika siku chache zijazo. Wakosoaji wanasema mabadiliko hayo yanaitia hatarini demokrasia.

Bunge zima la Israel linatarajia kuanza kuupigia kura muswada huo siku ya Jumapili, ingawa haijajulikani wakati utakapoanza kutekelezwa kikamilifu.