Kwenye ripoti yake iliyotolewa leo Alhamisi, Mohamed Osman, mtaalamu wa shirika hilo nchini Sudan amesema kwa kutumia zana nzito katika maeneo ya raia, pande zote za kivita zinazohasimiana Sudan zinaonesha kutojali maisha ya watu.

Shirika hilo limelitaka Baraza la Usalama la Umoja wa Mataifa kuhakikisha usalama wa raia na kuwawajibisha wale wanaohusika na mgogoro huo.

Kando na hayo ni kwamba mapigano makali yameshuhudiwa mapema leo katikati ya mji mkuu Khartoum huku kila upande ukionekana kutaka kuchukua udhibiti wa mji mkuu.

Umoja wa Mataifa unawashinikiza majenerali wanaohasimiana nchini humo kuhakikisha usalama kwa misafara ya magari ya misaada ya kiutu.