Waziri Mkuu Viktor Orban amepinga msaada zaidi wa kifedha kwa Ukraine, baada ya mazungumzo juu ya kuzipa uanachama wa EU Ukraine na Moldova yaliyofanyika Brussels jana Alhamisi.

Viongozi wa Umoja wa Ulaya wamesema mazungumzo juu ya msaada wa ziada kwa Ukraine yatafanyika tena mapema mwaka ujao.

Ukraine inategemea sana ufadhili kutoka Umoja wa Ulaya na Marekani wakati inapoendelea na mapambano yake dhidi ya vikosi vya Urusi.

Hungary ambayo ina uhusiano wa karibu na Urusi - kwa muda mrefu imekuwa ikipinga uanachama wa Ukraine ndani ya Umoja wa Ulaya.