Idadi ya vifo Gaza yafikia yapindukia elfu arobaini
22 Agosti 2024![Mzozo wa Mashariki ya Kati | Shambulio la Beit Lahia](https://static.dw.com/image/70015936_800.webp)
Wizara ya afya inayosimamiwa na kundi la Hamas imesema leo kuwa watu 40,265 wameuawa katika ukanda wa Gaza katika muda wa zaidi ya miezi kumi ya vita kati ya Hamas na Israel.
Idadi hiyo ya vifo inajumuisha watu 42 waliouawa katika muda wa saa 24 zilizopita.
Wizara hiyo ya afya imeorodhesha watu 93,144 waliojeruhiwa katika ukanda huo wa Gaza tangu kuzuka kwa vita hivyo.
Soma pia:Jeshi la Israel lasonga mbele maeneo ya kati na kusini mwa Gaza
Takwimu hizo zimetolewa wakati Rais wa Marekani Joe Biden akimshinikiza Waziri Mkuu wa Israel Benjamin Netanyahu juu ya umuhimu wa kufikia makubaliano ya kusitisha mapigano na kuachiliwa kwa mateka.
Mazungumzo ya miezi kadhaa ya kusaka makubaliano ya kusitisha mapigano yamefanyika japo kumekuwa na ugumu wa kufikia makubaliano kutokana na masharti yanayotolewa na Israel na Hamas.