Afisa mmoja wa ngazi ya juu wa masuala ya kiutu katika Umoja wa Mataifa, amebashiri huenda idadi ya vifo itapindukia 50,000.

Japo matumaini ya kuwapata manusura yanazidi kudidimia, kumekuwa na ripoti kadhaa za manusura kuokolewa kutoka kwenye vifusi wakiwa hai, ikiwa ni zaidi ya siku sita tangu mikasa hiyo miwili kutokea Jumatatu iliyopita.

Hayo yakijiri,  Uturuki  imeanza kuchukua hatua za kisheria dhidi ya kampuni za ujenzi, kuhusiana na majengo yaliyoporomoka. Makamu wa rais Fuat Oktay, amesema maafisa wametambua zaidi ya washukiwa 130 wanaoweza kuwajibishwa kwa uharibifu wa makazi na majengo ya kibiashara.