MigogoroMashariki ya Kati
IDF yawaamuru Wapalestina kuhama tena eneo salaama
22 Julai 2024![Ukanda wa Gaza | Wapalestina wakihama](https://static.dw.com/image/69537521_800.webp)
Matangazo
Mamia ya Wapalestina waliotaharuki wameanza kulikimbia eneo hilo la Al Mawasi lilioko kati ya miji ya Khan Yunis na Rafah.
Jeshi la Israel leo limetangaza kwamba linapanga kuanza operesheni maalum dhidi ya wanamgambo wa Hamas waliojikusanya kwenye eneo hilo na kulitumia kufyetuwa maroketi kuelekea Israel.
Soma pia:Mkuu wa haki UN asema viwango vya vita vimekiukwa kikatili Gaza
Eneo linalotajwa na Israel linahusisha sehemu ya mashariki ya mji wa Mawasi ambako ni eneo lililotengwa kwa shughuli za msaada, lililoko Kusini mwa Ukanda wa Gaza.
Tangazo la Israel limekuja katika wakati ambapo maafisa wa Marekani na Israel wameelezea matumaini yao ya kukaribia kufikiwa makubaliano katika mazungumzo tete ya kutafuta usitishaji mapigano.