Mkurugenzi mkuu wa shirika la Fedha Ulimwenguni (IMF) Kristalina Georgieva amesema leo hii kuwa ukuaji wa uchumi wa dunia huenda ukapungua mnamo mwaka huu wa 2023, na hivyo kuhatarisha ongezeko la viwango vya juu vya umaskini na njaa duniani kote.

Georgieva ameonya kwamba, kuendelea kudorora kwa uchumi wa mataifa yaliyoendelea kutapelekea ukuaji wa uchumi duniani kupungua kwa asilimia tatu mwaka huu na sababu kuu ikiwa ni mivutano ya kisiasa kama uvamizi wa Urusi nchini Ukraine pamoja na mfumuko wa bei.

Katika hotuba aliyoitoa mjini Washington, mkuu huyo wa IMF amesema hali hiyo itaathiri matarijio ya watu wote duniani hasa wale waliopo katika mataifa yenye kipato cha chini na yaliyo hatarini zaidi.