Iran imesema hatua iliyochukuliwa na mataifa hayo haina msingi. Msemaji wa wizara ya mambo ya nje ya Iran, Esmaeil Baghaei ameeleza kwenye taarifa, kwamba rais wa Ukraine amekiri hakuna makombora ya Iran yaliyosafirishwa Urusi, na kwa hivyo hatua iliyochukuliwa na Umoja wa Ulaya na Uingereza ya kuiwekea vikwazo vipya nchi hiyo, haina uhalali. Waziri wa mambo ya nje wa Israel Gidon Saar, ameupongeza uamuzi huo wa Umoja wa Ulaya akisema ni uamuzi muhimu katika kukikabili kitisho kutoka Iran.