Iran : Wabunge waidhinisha adhabu kali dhidi ya wanawake
20 Septemba 2023![Wanawake nchini Iran wamekuwa wakikaidi kanuni kali za mavazi ya Kiislamu nchini humo zinazowataka kufunika vichwa na mavazi ya staha.](https://static.dw.com/image/65460338_800.webp)
Matangazo
Kulingana na vyombo vya habari vya serikali, adhabu hizo ni pamoja na kifungo cha hadi miaka 10.
Bunge la Iran limeidhinisha kile ilichokiita "Uungaji mkono tamaduni ya uvaaji Hijab na unadhifu" utakaofanyiwa majaribio kwa miaka mitatu, limeripoti shirika la habari la IRNA.
Hata hivyo muswada huo bado unatakiwa kuidhinishwa na Baraza la uongozi, lenye nguvu na ushawishi mkubwa katika Jamhuri hiyo ya Kiislamu, maarufu "Guardian Council".
Tangu mwaka uliopita, wanawake nchini Iran wamekuwa wakikaidi kanuni kali za mavazi ya Kiislamu nchini humo zinazowataka kufunika vichwa na mavazi ya staha, na hasa baada ya maandamano makubwa kufuatia kifo cha Mahsa Amini mikononi mwa polisi jamii.
Soma pia: