Iran imekwenda mbali zaidi na kuituhumu Israel kwa kufanya kile walichokiita "uhalifu wa kinyama” na kutetea shambulio lake la makombora kama jibu.

Mnamo siku ya Jumatatu, Waziri wa ulinzi wa Israel, Israel Katz, alikiri kuwa nchi yake ilihusika na mauaji ya Haniyeh, ikiwa ni mara ya kwanza kwa afisa wa Israel kukiri rasmi.

Soma pia: Kifo cha Sinwar kinamaanisha ni kwa Hamas, Gaza, Lebanon?

Kabla ya hapo, Israel haikuwahi kukiri kuhusika na mauaji ya Haniyeh japo Iran na Hamas yenyewe iliihusisha Israel na kifo cha kiongozi huyo wa kisiasa wa Hamas.

Haniyeh, aliyekuwa anaongoza juhudi za mazungumzo ya kusitisha vita katika ukanda wa Gaza, aliuawa mjini Tehran mnamo Julai 31.