Spika wa Bunge la Iran, Mohammed Baqer Qalibaf, amesema Tehran lazima ipange mikakati ya kushinda kile alichokiita vikwazo visivyo vya haki, akisisitiza kuwa maendeleo ya kiuchumi na kiusalama vinategemeana.

Qalibaf ameituhumu Marekani na Israel kwa kuendesha "vita vya kiuchumi na kisaikolojia,” baada ya kutambua kuwa hawawezi kushinda vita ya moja kwa moja dhidi ya Iran na Iraq. Ameitaka Baghdad kuimarisha ushirikiano wa kiuchumi na kutumia sarafu za kitaifa kupunguza utegemezi wa dola.

Wakati huo huo, China imesema vikwazo na shinikizo la Marekani havitamaliza mgogoro wa Mashariki ya Kati, ikisisitiza suluhu ya kisiasa na kidiplomasia. Beijing imekosoa vikwazo vya upande mmoja visivyoidhinishwa na Baraza la Usalama la Umoja wa Mataifa, huku Washington ikitaka China ijiunge na kampeni ya kuibana Iran kiuchumi.