Shirika la habari la taifa IRIB limetangaza taarifa hiyo jana usiku likisema Abbas Darvish Tavanger amekamatwa kwa kutowa taarifa za upotoshaji na ataendelea kushikiliwa wakati uchunguzi unafanyika.

Katika taarifa iliyochapishwa katika mtandao wake wa Telegram shirika hilo la Fars lilisema mnamo Novemba 26 kwamba shughuli zake zimeingiliwa na wadukuzi wa mtandao.

Baadaye kundi linalojiita Black Reward lilidai kuhusika na shambulio hilo la mtandao na kusema limefanikiwa kupata nyaraka chungunzima za siri.

Kukamatwa kwa naibu mhariri mkuu wa Fars kumekuja wakati Iran ikikabiliwa na machafuko yaliyosababishwa na tukio la kifo cha msichana wa miaka 22 Mahsa Amini mikononi mwa polisi.