Mkuu wa majeshi wa Iran Jenerali Amir Hatami ametowa onyo kwamba nchi yake haitokaa kimya na kuruhusu kutolewa vitisho na mataifa ya kigeni yenye nguvu, baada ya Marekani na Israel kutangaza kuyaunga mkono maandamano ya kuipinga serikali ya Tehran. 

Mahakama ya Iran yaapa kuwakabili vikali waandamanaji

Kwa mujibu wa shirika la habari la Fars, Jenerali Hatami, amesema Jamhuri hiyo ya Kiislamu ya Iran inayatazama matamshi ya uchochezi na kichokozi dhidi ya taifa hilo kuwa vitisho na Tehran haitoruhusu kuyaacha yaendelee bila kujibiwa.

Hivi karibuni rais wa Marekani Donald Trump alitishia kuingilia kati mzozo wa Iran ikiwa waandamanaji watauwawa, huku waziri mkuu wa Israel, Benjamin Netanyahu akitangaza kuyaunga mkono maandamano hayo 

Mzozo wa Israel na Iran.

Wakati huohuo, Iran pia imemyonga mwanamme mmoja aliyekutwa na hatia ya kuendesha vitendo vya ujasusi ndani ya Iran kwa niaba ya shirika la Ujasusi la Israel, Mossad.