Haya yamesemwa leo na waziri wa mambo ya nje wa nchi hiyo Abbas Araghchi ambaye ameongeza kuwa hatua hiyo haipaswi kuchukuliwa kuwa shambulizi dhidi ya nchi kunakopatikana kambi hizo.

Araghchi  amesema hayo wakati wa mahojiano na kituo cha televisheni cha Al Jazeera siku moja baada ya Tehran na Washington kuahidi kuendelea na mazungumzo ya nyuklia yasio ya moja kwa moja kufuatia kile ambacho pande zote mbili zimetaja kuwa mazungumzo chanya ya Oman hapo jana.

Mwanadiplomasia huyo mkuu wa Iran amesema shambulio jipya la Marekani litajibiwa kwa matokeo sawa na hayo, huku akiongeza kuwa haitakuwa rahisi kushambulia ardhi ya Marekani lakini watalenga kambi za nchi hiyo katika mataifa ya kanda hiyo na wala sio nchi zenyewe.