Uamuzi huu umechukuliwa baada ya Iraq kuifahamisha Sweden kuwa ingelivunja mahusiano ya kidiplomasia ikiwa Qur'an itachomwa tena moto mjini Stockholm baadaye leo.

Taarifa zinabaini kuwa waandamanaji mjini Stockolm hii leo wameharibu na kukidhalilisha kwa kukikanyaga kitabu kitakatifu cha Qur'an lakini hawakukichoma moto kama walivyokuwa wametishia hapo awali.

Haya yanajiri pia baada ya usiku wa jana, mamia ya waaandamanaji kuvamia na kuuchoma moto Ubalozi wa Sweden mjini Baghdad, kitendo kilicholaaniwa vikali na serikali ya Sweden.