Nchini Uholanzi chama cha siasa kali za mrengo wa kulia cha Freedom Party PVV kinachopinga uhamiaji na chenye mashaka na Umoja wa Ulaya, kinajiandaa kupata nguvu kubwa katika bunge la Umoja wa Ulaya baada ya matokeo ya awali kuonesha kinashikilia nafasi ya pili kikiwa na viti saba. 

Hatua hiyo inatarajiwa kuwa ya kwanza katika msururu wa mafanikio ya vyama vya siasa kali vya mrengo wa kulia kote katika Umoja wa Ulaya.

Soma pia:Uchaguzi wa bunge la Ulaya waanza Uholanzi

Utafiti unaonesha vyama hivyo vinaweza kuzowa  robo ya viti vyote 720 vinavyowaniwa. 

Nchi nyingi kati ya 27 za Umoja huo ikiwemo Ujerumani na Ufaransa zitapiga kura Jumapili.