Duru zinasema vikosi vya Israel vikisaidiwa na ndege za kivita vinakabiliana na wapiganaji wa Hamas jirani na hospitali za Al Shifa na Al-Quds zilizopo kaskazini mwa Ukanda wa Gaza eneo ambalo ndiyo kitovu cha operesheni ya Israel.

Jeshi la nchi hiyo limesema kamandi kuu ya kundi la Hamas imo ndani na chini ya hospital ya Al-Shifa madai ambayo yamekanushwa na kundi hilo pamoja na wafanyakazi wa hospitali hiyo.

Makabiliano kwenye mji huo mkubwa wa Ukanda wa Gaza yanaendelea wakati miito inaongezeka ya kutafutwa mwafaka wa usitishaji vita kwa muda  ili kuwasaidia mamilioni ya Wapalestina wanaokabiliwa na ukosefu wa mahitaji muhimu.