Taarifa iliyotolewa leo na redio yenye mfungamano na kundi hilo ya Al Aqsa imesema kuwa haifahamiki ikiwa kulikuwa na mwanafamilia yoyote wa kiongozi huyo wakati wa shambulio hilo.

Haniye hata hivyo yuko nje ya Ukanda wa Gaza tangu mwaka 2019 ambapo amekuwa akiishi kati ya Uturuki na Qatar.

Katika hatua nyingine, Waziri wa mambo ya kigeni wa Marekani Anthony Blinken leo atakutana nchini Jordan na mawaziri wa mambo ya nje wa mataifa ya Mashariki ya kati, katika juhudi za kusaidia  kusitisha mapigano huko Gaza.

Wizara ya mambo ya kigeni ya Jordan imesema viongozi hao wataelezea msimamo wa nchi za Kiarabu wa kutaka kusitishwa kwa mapigano haraka na kuwasilishwa kwa misaada ya kibinaadamu. Kabla ya kuanza kwa mkutano huo, Blinken amefanya mazungumzo na Waziri Mkuu wa Jordan Najib Mikati aliyesisitiza umuhimu wa kufanya juhudi za kusitisha mapigano katika ukanda wa Gaza.