Mashambulizi hayo yameshuhudiwa katika miji ya Khan Younis na Rafah, na hivyo kupelekea idadi kubwa ya  Wapalestina  kulazimika kuyahama makazi yao.

Vita hivyo vinatishia kutanuka hadi nchini Lebanon ambako pia inaripotiwa kuwa vikosi vya Israel vilishambulia kwa mara nyingine ngome ya wanamgambo wa Hezbollah wanaoungwa mkono na Iran.

Miongoni mwa matakwa ya  Hezbollah  ni kuitaka Israel ikomeshe kabisa vita Gaza dhidi ya mshirika wake Hamas. Afisa mwandamizi wa Hamas amesema hapo jana mjini Beirut kwamba mazungumzo ya usitishwaji mapigano na kuachiliwa kwa mateka bado hayajapiga hatua yoyote.