Jeshi la Israel limekanusha ripoti hizo, ilizozitaja kuwa za uongo na kuongeza kwamba itachunguza kwa kina kuhusu vurugu hizo zilizotokea jana jioni. 

Jumuiya ya kimataifa imekuwa ikishinikiza misaada zaidi kupelekwa Gaza, katikati mwa ongezeko la mgogoro wa kibinadamu na vizuizi vya Israel vinavyotatiza misaada kuingia kwa njia ya barabara. 

Bado hakuna mwelekeo wa amani kati ya Israel na Hamas

Meli iliyobeba tani 200 za vyakula imewasili kwenye pwani ya Gaza mchana huu ikitokea Cyprus.

Wakati huohuo, Australia imetangaza mapema leo kwamba itarejesha ufadhili kwa shirika la Umoja wa Mataifa linalotoa misaada kwa Wapalestina la UNRWA, na kuahidi nyongeza ya fedha kwa shirika la UNICEF ili kutoa huduma za haraka huko Gaza.