Hayo yanatokea wakati hali ya wasiwasi ikiongezeka katika mpaka wa kaskazini wa Israel kufuatia shambulizi lililosababisha vifo katika milima ya Golan. Shirika hilo halikuripoti maafa wala majeruhi yoyote katika mashambulizi hayo ya usiku kucha katika mkoa wa Daraa, ulioko katika eneo linalovitenganisha vikosi vya Syria na Israel katika milima ya Golan. Chombo cha habari ya serikali ya Syria hakikuripoti mashambulizi yoyote. Waziri Mkuu wa Israel Benjamin Naetanyahuameapa kuchukua hatua kali kujibu shambulizi la Jumamosi iliyopita lililowaua vijana 12 katika mji wa jamii ya kiarabu ya Druze katika milima ya Golan. Viongozi wa jamii hiyo wamesema hivi leo wamejitenga na kitisho hicho cha Israel kutaka kulipiza kisasi dhidi ya kundi la Hezbollah nchini Lebanon kwa shambulizi hilo la umwagaji damu.