Kikosi cha muda cha Umoja wa Mataifa nchini Lebanon (UNIFIL) kimesema kifaru cha jeshi la Israel kilenga moja kwa moja kituo cha ufuatiliaji cha Umoja wa Mataifa katika eneo dogo la mji wa Naqoura.

Hata hivyo jeshi la Israel halijatoa tamko lolote kuhusiana na shambulizi hilo.

Ujumbe wa Umoja wa Mataifa umekuwa ukifuatilia eneo la mpaka kati ya Lebanon na Israeli kwa miongo kadhaa ukiwa na zaidi ya wanajeshi 10,000 kutoka mataifa 50 wengi wao wakitokea Indonesia, Italia na India.