Gazeti la Times nchini humo limenukuu ripoti za Wapalestina, likisema wanajeshi wa Israel wameanza mashambulizi makali ya mabomu kuelekea maeneo ambayo wameyafungamanisha na kundi la Hamas, katika mji huo. Mashirika ya misaada yameelezea juu ya kuwepo mateso makubwa yasiyokubalika yanayowakabili raia. Kwa mujibu wa jeshi la Israel, mapema leo asubuhi  milio ya ving'ora vya tahadhari juu ya kutokea mashambulio ya anga, ilisikika katikamiji chungunzima  ikiwa ni pamoja na mji wa Kibbutz karibu na mpaka baina ya Israel na Gaza. Kwa hivi sasa vikosi vya mapambano ya ardhini vya Israel vinaendelea na mashambulizi vikilisogelea eneo hilo la Kusini mwa Ukanda wa Gaza.