Monia Bouali, wakili wa Ghannouchi ambaye alikamatwa Jumatatu, amesema anatuhumiwa kwa kupanga kuhujumu usalama wa nchi na uamuzi wa kumfunga jela unafuatia uchunguzi uliodumu kwa saa nane.

Polisi mwaka huu wamewakamata vigogo kadhaa wa kisiasa ambao wanamtuhumu Saied kwa mapinduzi kufuatia hatua zake za kulivunja bunge na kuongoza kwa amri za rais kabla ya kuiandika upya katiba. Ghannouchi, mwenye umri wa miaka 81 alikuwa spika wa bunge lililochaguliwa, ambalo lilivunjwa na Saied mwaka wa 2021 wakati alipojilimbikizia madaraka yote.