Lionel Messi apewa nafasi kubwa ya kushinda tuzo yake ya nane ya mchezaji kandanda bora duniani FIFA Ballon d'Or.
Tuzo ya Ballon d'OrPicha: Benoit Tessier/REUTERS
Matangazo
Lionel Messi anapewa nafasi kubwa ya kushinda tuzo yake ya nane ya FIFA Ballon d'Or wakati sherehe za mwaka huu za mwanasoka bora zitakapofanyika mjini Paris leo Jumatatu.
Tuzo hiyo ya kifahari imetawaliwa zaidi ya miaka 15 iliyopita na Messi na mpinzani wake wa zamani Cristiano Ronaldo, ambao wameshinda mara 12 kati yao huku Luka Modric na Karim Benzema wakishinda mara moja kila mmoja.
Katika orodha ya kushindania taji hilo kuna wachezaji saba wa timu ya Manchester City iliyoshinda Ligi Kuu ya England, Kombe la Shirikisho na Ligi ya Mabingwa Ulaya chini ya kocha Pep Guardiola. Wa kwanza kati ya wachezaji wa Manchester City katika orodha hiyo ni Erling Haaland, ambaye alifunga mabao 52 katika mechi 53 na tayari ameshinda tuzo ya Mchezaji Bora wa Shirikisho la Kandanda Ulaya UEFA kwa msimu uliopita.
Aitana Bonmati katika mechi kati ya Barcelona and Olympique Lyon ndani ya uga wa Allianz Stadium Mei 21, 2022 huko Turin Italia.Picha: Marco Canoniero/Sportphoto24/picture alliance
Kwa upande wa wanawake orodha ya walioteuliwa inawajumuisha wachezaji wanne wa timu ya Uhispania ambayo ilinyakua Kombe la Dunia la Wanawake huko Sydney mnamo Agosti.
Alba Redondo, Salma Paralluelo na beki wa pembeni Olga Carmona, wote wameorodheshwa, lakini Aitana Bonmati anaonekana kuwazidi wenzake.
Huku haya yakijiri Shirikisho la kandanda duniani, FIFA, hii leo limetangaza kuwa limempiga marufuku ya miaka mitatu rais wa zamani wa shirikisho la kandanda wa Uhispania Luis Rubiales kufuatia sakata la kumbusu mdomoni pasipo na idhini mchezaji wa timu ya taifa ya Uhispania ya wanawake Jenni Hermoso.
Katika taarifa yake kamati ya nidhamu ya FIFA imesema imemfungia Rubiales, kwa shughuli zote zinazohusiana na kandanda katika ngazi ya kitaifa na kimataifa kwa miaka mitatu. Na kwamba tayari Rubiales amearifiwa kuhusu uamuzi huo na ana siku 10 za kukata rufaa.
Tazama pia picha na melezo za:
Wajue wanawake 10 mahiri zaidi wa soka duniani
Wanawake wa Ujerumani watauanza msimu wa 2019 kwa mechi ya kirafiki na Ufaransa ambaye ni mwenyeji wa kombe la dunia. DW inawatambulisha wanawake 10 bora kwenye soka, kwa kuzingatia uteuzi wa tuzo za FIFA za Ballon d'Or.
Picha: Reuters/G. Garanich
Ada Hegerberg - Mshambuliaji wa "dhahabu"
Ni mshambuliaji wa Norway. Historia yake inaanzia mwaka 2018 baada ya kushinda tuzo ya Ballon d'Or ya wanawake. Akiwa na miaka 23 aliwavutia wasichana wadogo wakati wa hafla tuzo hizo: "Tafadhali, jiamini." Hegerberg, anayetambulika kwa mashuti na mipira ya vichwa amefunga mabao zaidi ya 250 na alishinda mara tatu ligi ya mabingwa, na makombe manne ya ligi ya Ufaransa.
Picha: picture-alliance/NTB Scanpix/V. Wivestad
Pernille Harder - Mmaliziaji hatari.
Fainali za Euro za Wanawake 2017: MDenmark, Pernille Harder alipambana juu chini na kufanikiwa kusawazisha mabao hadi 2-2 katika mechi ambayo Denmark ilipoteza kwa mabao 4-2. Ulikuwa ni ujuzi kama huu uliompafanya kuwa mfungaji bora wa timu ya Wolfsburg wanawake na mchezaji bora kwenye ligi ya wanawake ya Bundesliga 2017-18 - na Mchezaji bora wa mwaka wa UEFA Wanawake.
Picha: Reuters/Y. Herman
Wendie Renard: Mlinzi mahiri.
Wendie Renard akiwa na Olympique Lyon na timu ya wanawake ya Ufaransa. Kutokana na ujuzi wake wa kujilinda na magoli yasiyo ya kawaida, kiungo huyo wa nyuma ameshinda mara 11 ligi ya Ufaransa na Ligi ya Mabingwa mara nne mfululizo. Renard anaonekana mmoja wa walinzi bora wa kike duniani, na anaahidi kuwa sehemu muhimu ya kampeni za Les Bleues kushinda Kombe la Dunia la Wanawake 2019 nyumbani.
Picha: Getty Images/AFP/Jonathan Nackstrand
Lucia Roberta: Mchezaji muhimu
Mlinzi mahiri wa klabu yake ya Oympique Lyon Lucy Bronze aliyenga'ra dhidi ya klabu yake ya zamani ya Man. City kwenye nusu fainali za ligi ya klabu bingwa ya wanawake mwaka 2018, aliteuliwa kwenye tuzo za goli bora zaidi la msimu kwenye UEFA.com. Bronze anachukuliwa kama mwanasoka bora zaidi mwanamke duniani na kuahidi kuwa mchezaji muhimu katika kikosi cha Uingereza kwenye Kombe la Dunia 2019.
Picha: Getty Images/N. Baker
Marta Vieira da Silva: 'Nilizaliwa kutumia hiki kipaji'
"Pambana dhidi ya ubaguzi. Pambana na ukosefu wa msaada. Pambana dhidi ya kila kitu - wavulana, watu ambao wanasema huwezi," Marta aliandika katika makala kwenye jarida la The Tribune Players. Kwa uwezo huu, ujuzi wake wa "samba" na magoli yake 110 katika mechi 133 kwa Brazil, fowadi wa Orlando Pride, Marta anaonekana kama mchezaji bora zaidi wa kike duniani na shujaa kwa wasichana wengi wadogo.
Picha: Getty Images
Dzsenifer Marozsan - Kurejea baada ya kuugua mapafu
Ilikuwa Julai iliyopita tu nahodha wa zamani wa Ujerumani na kiungo wa Olympique Lyon alipata maradhi ya mapafu. Mwezi Oktoba alirudi tena kwenye klabu yake, na mwezi mmoja baadaye alijiunga na timu yake ya kitaifa. Marozsan ni mchezaji ambaye hutoa huduma nzuri kwa wenzake wa mbele. Akiwa amecheza michezo 347 na magoli 134, Marozsan inaonekana kama mmoja wa wachezaji watatu bora zaidi duniani.
Picha: picture-alliance/GES/T. Eisenhuth
Amandine Henry - Mnyakuaji hatari wa mipira
Karibu kila mpira hupitia kwa kiungo huyu mshambuliaji wa Ufaransa Amandine Henry (juu, kulia). Huapata mpira kwa haraka na kuupeleka mara moja kwa mshambuliaji akiwa na timu yake ya Ufaransa na klabu yake, Lyon. Kutokana na namna anavyousoma mchezo, ndivyo anavyochukuliwa kama mmoja wa washambuliaji wakali zaidi wa kike duniani.
Picha: Reuters/V. Ogirenko
Samantha Kerr – Anatambulika kwa sarakasi za "somersault"
Samantha Kerr ana rekodi ya magoli 55 katika michezo 94 katika ligi ya Taifa ya Wanawake ya soka nchini Marekani. Kerr alianza na timu ya taifa ya wakubwa ya Australia akiwa na umri wa miaka 15. Tangu wakati huo ameiongoza Matildas hadi kuwa ya sita katika viwango vya FIFA vya wanawake na kufuzu kwa kombe la Dunia kwa Wanawake, 2019. Anafurahia kila goli akiwa na sarakasi zake za somersault.
Picha: Getty Images/G. Denholm
Megan Rapinoe - Mtafutaji magoli
Winga Megan Rapinoe aliisaidia Marekani kushinda michuano ya SheBelieves 2018, Kombe la Dunia, 2015 na medali ya dhahabu katika Olimpiki za 2012. Kapteni huyo wa Seattle Reign alifunga mabao 12 kwenye michezo 18 mwaka 2017. Megan ni kivutio kwa wasichana wengi ulimwenguni, anayepigana dhidi ya ubaguzi na hutoa asilimia moja ya mshahara wake kwenye shirika la misaada la Common Charitable.
Picha: Getty Images/R. Martinez
Saki Kumagai - Kito cha WaJapan
Nahodha wa Japan. Ameshinda katika makombe matano ya Ufaransa na matatu mfululizo ya Ligi ya Mabingwa akiwa na Olympique Lyonnais. Ujuzi wa kujihami wa Saki ulisaidia Japan kushinda kombe la wanawake Asia mwaka 2018. Alifunga bao la ushindi kwa penati na kunyakua kombe la dunia la 2011 dhidi ya Marekani. Aliteuliwa kwenye kipengele cha mchezaji bora wa kike kwenye tuzo za FIFA.
