Jenerali Brice Oligui  Nguema ambaye ni kiongozi wa jeshi maalum la ulinzi wa Jamhuri,na ambaye aliongoza maafisa wa kijeshi kufanya mapinduzi Jumatano dhidi ya serikali ya rais Ali Bongo Ondimba,anakabidhiwa rasmi uongozi wa nchi kwa muda usiojulikana.

Nchi nyingi za Magharibi zimelaani mapinduzi hayo ya Gabon. 

Mara kadhaa kiongozi huyo wa kijeshi ameahidi kuandaa uchaguzi huru,wa haki na kuaminika bila ya kutaja lini hatua hiyo itachukuliwa,ingawa ameshaweka wazi kwamba mchakato huo hauwezi kufanyika kabla kwanza kuidhinishwa  katiba mpya kupitia kura ya maoni.  

Soma pia:Kiongozi wa kijeshi nchini Gabon asema hatoharakisha uchaguzi

Nchi nyingine hazimtambui jenerali huyo kama kiongozi halali wa Gabon na anakabiliwa na shinikizo la kuweka wazi mipango yake ya kurudisha utawala wa kiraia.