Utawala huo umefichua pia mahali aliko kiongozi huyo aliyepinduliwa baada ya kumshikilia bila kuwasiliana naye kwa miezi kadhaa.

Conde mwenye umri wa miaka 83, aliiongoza nchi hiyo kwa karibu miaka 11 kabla ya kuondolewa Septemba 5 katika mapinduzi ya kijeshi.

Katika taarifa iliyorushwa na televisheni ya serikali, jeshi limesema Conde sasa yuko nyumbani na mkewe, Hadja Djene Kaba Conde, katika vitongoji vya Conakry.

Haikusema kama Conde yuko chini ya kifungo cha nyumbani au kama anakabiliwa na vizuizi vingine.

Taarifa hiyo aidha imesema serikali ya kijeshi inayojiita National Rally Committee for Development - CNRD, itaendelea kumpa mkuu huyo wa nchi wa zamani heshima anayostahili, na bila shinikizo lolote la kitaifa au kimataifa.