Baada ya kuelekeza operesheni hizo katika eneo la kaskazini katika wiki za hivi karibuni, Israel imeanzisha pia mashambulizi ya anga kusini mwa Gaza, walipokimbilia idadi kubwa ya watu.

Awali, Msemaji wa jeshi wa jeshi la Israel Daniel Hagari amethibitisha kuwa vikosi vyao vimekuwa vikipiga hatua kuelekea kusini. Mashuhuda wameliambia shirika la habari la Ujerumani DPA kuwa wanajeshi wa Israel wameingia eneo la mashariki mwa mji wa Khan Yunis  kusini mwa Ukanda wa Gaza.

Shirika la Umoja wa Mataifa la Kuwahudumia Watoto (UNICEF) limesema linashuhudia "maafa makubwa ya watoto." Msemaji wa UNICEF James Elder aliyekuwa kusini mwa Gaza ameeleza kwamba eneo hilo kwa sasa linakabiliwa na "mashambulizi mabaya zaidi katika vita hivyo."