Jeshi la Israel pia limesema limewaua wapiganaji kadhaa wa kundi hilo, huku wanajeshi wake wakiendelea na uvamizi katika maeneo kadhaa ya Hezbollah kusini mwa Lebanon.

Wanajeshi wa Israel wamegundua shehena kubwa za silaha, kuharibu mahandaki, kuwaangamiza magaidi na kuharibu mitambo ya kurushia makombora ya Hezbollah iliyokuwa imefichwa katika maeneo ya umma na yaliyolenga kuzishambulia jamii za Waisraeli.

Soma pia:Hezbollah yamtangaza Naim Qassem kuwa kiongozi mpya 

Kwa mujibu wa ripoti kutoka Lebanon, raia kadhaa waliuwawa katika mashambulizi ya Israel. Jeshi la Israel pia limeendelea na operesheni yake kaskazini mwa Ukanda wa Gaza.