Oparesheni hiyo huenda ikasababisha makabiliano makubwa na kubadili mwelekeo wa hali ilivyo baada ya muongo mmoja wa mgogoro nchini humo.

Msafara mkubwa wa jeshi la Mali uliondoka mjini Gao siku ya Jumatatu ukielekea katika eneo la  kaskakazini la Kidal.

Imeripotiwa kwamba Ujumbe wa Umoja wa Mataifa umeondolewa na utawala wa kijeshi na kambi zao kuzikabidhi kwa maafisa wa Mali.

Mji huo wa Kidal ni kituo cha kihistoria cha waasi wanaopigania kujitenga wakiongozwa na jamii ya kabila la Watuareg na mji huo kuendelea kudhibitiwa na waasi  limebakia kuwa suala linalowakasirisha watawala wa kijeshi mjini Bamako.

Jeshi lilipata pigo kwa kushindwa mara nyingi katika mapambano yake na waasi hao kati ya mwaka 2012 na 2014.