Katika ujumbe aliouandika kwenye mtandao wa kijamii wa Telegram, mkuu wa jeshi la Ukraine, Oleksandr Syrskyi, alisema majeshi ya Urusi bado yanaendelea na mashambulizi katika maeneo mengi na kwamba hali ni tete hasa katika maeneo ya Avdiivka na Zaporizhzhia.

Soma zaidi: Urusi yaandaa mashambulizi mapya dhidi ya Ukraine

Kijiji cha Orlivka kiko chini ya kilomita mbili kaskazini magharibi mwa Lastochkyne, eneo ambalo wiki hii lilitekwa na majeshi ya Urusi.

Wiki iliyopita, majeshi ya Urusi yaliuteka mji wa mashariki mwa Ukraine wa Avdiivka baada ya mwezi mzima wa mapambano na wanashinikiza kuteka maeneo mengine katika mstari wa mbele wa mapambano.