Shambulio hilo la Ukraine ni la kwanza linalohusisha silaha za  Marekani,tangu rais Joe Biden alipoiruhusu Kiev kutumia makombora yake ya masafa marefu dhidi ya Urusi. Wizara ya ulinzi ya Urusi imesema makombora sita ya masafa marefu aina ya ATACM yamefyetuliwa na Ukraine alfajiri ya leo Jumanne lakini ikaongeza kwamba hakuna vifo wala uharibifu ulioripotiwa. Moscow ilishaonya kwamba kutumiwa silaha za mataifa ya Magharibi kuishambulia, ni hatua itakayoifanya Marekani kuwa muhusika wa moja kwa moja katika vita hivyo na itachukuliwa hatua kali.