Jaji aamuru jina la Trump kubaki kwenye karatasi za kura.
19 Januari 2024![Marekani | Mgombea wa uchaguzi kupitia Republican akiwa Iowa | Donald Trump](https://static.dw.com/image/67992801_800.webp)
Katika hukumu hiyo iliyosomwa jana, Jaji Mary Sue Wilson wa Kaunti ya Thurston, alisema msimamizi wa uchaguzi wa jimbo la Washington alitekeleza majukumu yake kwa mujibu wa sheria, pale alipoyakubali majina yote ya wagombea yaliyowasilishwa na vyama vya Republican na Democrat.
Kama ilivyokuwa kwenye majimbo mengine, wapigakura walioweka zuio lao Washington wanadai kuwa Trump hafai kuwania urais kutokana na matendo yake kwenye tukio la tarehe 6 Januari 2021, ambapo hotuba yake kali iliwachochea wafuasi wake kulivamia jengo la bunge kwa lengo la kupinduwa matokeo ya uchaguzi wa 2020.
Mabadiliko ya 14 ya katiba ya Marekani yanapiga marufuku mtu aliyehusika na uasi kushikilia ofisi ya umma. Tayari Trump amezuiwa kwenye majimbo ya Maine na Colorado kuwania urais.