Haya yameripotiwa leo na shirika la habari la China, CCTV, bila ya kutolewa maelezo zaidi kuhusu mkutano huo.

Hapo jana, mshauri wa usalama wa kitaifa wa Marekani, Jake Sullivan, aliliambia shirika la habari la CNN kwamba, Kerry angeishinikiza China isijifiche nyuma ya aina yoyote ya madai kwamba ni taifa linaloendelea ili kupunguza kasi ya juhudi za kupunguza utoaji wa hewa chafu.

Soma pia:Mvua kubwa yasababisha maafa nchini Japan

Sullivan ameongeza kuwa kila taifa ikijumuisha China, lina jukumu la kupunguza utoaji wa hewa chafu na kwamba dunia inapaswa kuishinikiza China kuchukuwa hatua kali zaidi kupunguza utoaji wa hewa hiyo.