Jeshi la Marekani linasema,zaidi ya wapiganaji 20 wa Kitaliban na wanajeshi 9 wa Afghanistan wameuawa katika mapigano yaliozuka katika jimbo la kusini la Kandahar.Hivi karibuni nchini Afghanistan mashambulio ya waasi yamezidi,na yalizuka mapambano makali kabisa ambayo hayakuwahi kutokea tangu kuanguka kwa serikali ya Taliban zaidi ya miaka mitatu ya nyuma.