Watu kiasi sitini, wakiwemo watu wanaoshukiwa kuwa wanamgambo wa kundi la Taliban, wamekufa maji walipojaribu kuvuka mto kusini mwa Afghanistan.

Wizara ya Ulinzi imesema mashua iliyowabeba watu hao ilipinduka jana katika mto wa Helmand.

Wizara hiyo inafanya uchunguzi ili ibainishe idadi ya raia na pia idadi ya wanamgambo walioangamia.

Mapema mwezi Machi, majeshi ya Afghanistan yakishiriana na vikosi vya NATO, yalianzisha harakati za kijeshi katika mkoa wa Helmand ambao ndio ngome kuu ya wanamgambo wa Taliban.