Meya wa mkoa wa Khost, Bismillah Bilal amesema kaburi hilo limegunduliwa Jumamosi wakati wa ujenzi wa bwawa dogo katika eneo la Sarbani la Khost ya kati.Ameliambia shirika la habari la Ufaransa, AFP kwamba kwa mujibu wa taarifa za awali, watu hao walizikwa katika eneo hilo baada ya kuuawa mwaka 1358, kwa zingatio la  kalenda ya Afghanistan, inayolingana na Aprili 1979 hadi Machi 1980.Wakazi wa eneo hilo walisema mabaki hayo ni ya waathiriwa wa ghasia zilizofuatia mapinduzi ya kikomunisti yaliyoungwa mkono na utawala wa Kisovieti mwaka 1978 nchini Afghanistan.