Harris ameanza kutafuta uungaji mkono wa wajumbe wa chama chake cha Demokrats, muda mfupi, baada ya hapo jana rais Joe Biden kujiondowa katika kinyang'anyiro hicho kufuatia wasiwasi kuhusu umri wake na hali ya kiafya.

Rais Biden alitangaza pia kumuunga mkono makamu wake huyo kuwa mgombea urais wa Democrats. Taarifa zinasema kufikia sasa magavana kadhaa wenye sauti wametangaza kumuunga mkono kuwa mgombea urais atakayepambana dhidi ya mgombea wa Republican  Donald Trump.

Soma pia:Biden apongezwa kwa kujiondoa kwenye mbio za kuwania urais

Spika wa zamani wa bunge Nancy Pelosi na rais wa zamani Barack Obama wamempongeza rais Joe Biden kwa uamuzi aliochukua, wamejizuia hadi sasa kutangaza  kumuunga mkono Kamala Harris kuwa mgombea urais kwa niaba ya Democrats.