SiasaPakistan
Kampeni za uchaguzi Pakistan kuhitimishwa leo
6 Februari 2024![Mabango ya kampeni nchini Pakistan](https://static.dw.com/image/68111239_800.webp)
Matangazo
Wagombea wana hadi leo usiku kuwashawishi wapiga kura kabla ya kufanyika uchaguzi huo siku ya Alhamisi ambapo zaidi ya watu milioni 120 wamesajiliwa kama wapiga kura.
Uchaguzi huo unafanyika wakati waziri mkuu wa zamani akiwa gerezani na chama chake kimezuiwa kugombea, na hivyo kukifungulia njia chama cha Pakistan Muslim League kushinda viti vingi bungeni na kumpa fursa ya kuhudumu kwa muhula wa nne kama Waziri Mkuu mwanzilishi wake Nawaz Sharif.
Vyama 44 vya kisiasa vitawania viti 266 katika bunge la kitaifa huku kukiwa na viti maalum 70 vya ziada vilivyotengwa kwa ajili ya wanawake na jamii ya walio wachache.