Kauli hiyo imekuja baada ya kiungo Jude Bellingham kuonekana kutofautiana na tathmini ya kocha kufuatia ushindi wa mabao 2-1 dhidi ya Norway katika muda wa nyongeza.

Baada ya mechi hiyo iliyochezwa katika joto kali mjini Miami nchini Marekani, Bellingham alisema si rahisi kuelewa mazingira hayo kwa mtu ambaye hajayakabili uwanjani, akionekana kujibu kauli ya Tuchel kwamba England haikucheza vizuri.

Hata hivyo, Kane amesema tofauti hizo za maoni hazimaanishi kuwa kuna mzozo kambini.

“Ni rahisi kujaribu kuunda picha ya mgawanyiko, lakini ukweli ni kinyume chake. Tumefika hapa kutokana na umoja wetu,” alisema Kane.

Nahodha huyo alifafanua kuwa Bellingham alikuwa ametoka tu kumaliza mechi ngumu alipoulizwa kuhusu kauli za kocha.

Kane: Tuchel ni miongoni mwa Kocha bora

Kane amemtetea Tuchel akisema uwazi wake wa kuzungumza na kutoa tathmini za moja kwa moja ni moja ya sifa zinazomfanya kuwa miongoni mwa makocha bora duniani.

“Anasema anachokiamini na wachezaji tunamwelewa." Alisema na kuongeza kuwa amekuwa akiisifu timu mara nyingi kwa kiwango chake cha kujituma na kupambana,” alisema.

Englandsasa inajiandaa kuivaa Argentina katika nusu fainali, huku Kane akisisitiza kuwa mshikamano wa kikosi utaendelea kuwa silaha muhimu katika harakati za kutinga fainali.