Kansela Olaf Scholz atawasili Ethiopia siku ya Alhamisi ambapo amepangiwa kuwa na mkutano na waziri mkuu Abiy Ahmed mjini Addis Ababa.

Kiongozi huyo ataliweka mezani suala la ukiukaji mkubwa wa haki za binadamu nchini Ethiopia tangu taifa hilo lilipotumbukia kwenye vita vya wenyewe kwa wenyewe kati ya serikali kuu na jimbo la Tigray mwaka 2020.

Baadaye Scholz atayatembelea makao makuu ya Umoja wa Afrika kabla ya kuelekea nchini Kenya. Serikali ya Ujerumani inaizingatia Kenya kuwa mshirika muhimu kwenye sekta ya nishati rafiki kwa mazingira.

Kansela Scholz atajadili njia za kukuza ushirikiano kwenye eneo hilo hususani uwezekano wa Ujerumani kuanza kuiuzia Kenya nishati ya Haidrojeni.